السلام عليكم البنات
انا ديما متبعا هاد الموقع كل نهار. واليوم جيت نحكي ليكم قصتي
المهم تعرفت على واحد السيد عندو دابا 45 عام وانا عندي 22 عام تعارفنا بالصدفة تاصل بيا وكان غالط فالنمرة واخا هكاك بقينا كنهدرو وديما كايتاصل بيا من بعد سيمانة تلاقينا الغد لاخور كاليا انا باغي نتزوج بيك انا درتها بالضحك وهو كايكولياكنبغيك ونتي ماشي ديال التفلية وريني الواليد ديالك نمشي عندو كل مرة كانكوليه مزال الحال.المهم داك السيد ديما معايا اه بعدا نسيت النهار الاول كاليا انا راه مزوج عندي 3 ديال البنات فالحقيقة انا قلت غادي ندوز معاه شوية ديال الوقت وغادي نقلب عليه ولكن والله الا التعامل ديالو خلاني نولي كنبغيه راه هادشي بشهادة الجميع بنات خوالاتي كيعرفوه وديما كايشوفو اشنو كيدير على قبلي وصاحبتي وماما اواحد خالتي حتا هي كنعاود ليها عليه.الوليدة ديالو عرفني بيها وختو حتا هي كانتلاقاو بيها بعض المرات و صحابو وكلشي الناس ليكايشوفونا كايقولو لينا جيتو مع بعضياتكم وكايدعيو معانا وهو مشا دار العمرة وكايدعي باش نكون فرزقو..
اوا نجيو للنهار ليقررنا فيه باش يمشي عند الواليد ديالي مشا عندو هدر معاه من بعد عام ونص ديال التعارف مشا عندو فالنهار الاول ديال رمضان قاليه خليني نفكر ونرد عليك المهم بابا كلس شهر ديال رمضان كولو عمرو ماقالي شيحاجة حتال نهار تاني عيد هدرنا وانا ديك ساعة كنت مازال كانقرا وماعرفتش كيفاش ندافع على راسي مانكدبش عليكم بابا جبد ليا شححححااال ديال المسائل ماكنتش كانفكر فيهم وفالاخير قلت ليه دير ليعجبك. رد عليه بابا وقاليه لا مايمكنش تزوج ببنتي.السيد تصدم وماعيتش ليا انا ديك ليلة مانعستش بقيت غير كانبكي وماقدرتش نتحمل انني صافي غادي نتفارق معاه.
المهم فالغد ليه عيط لصاحبتي قاليها جيبيها ونهدرو ماتصوروش حالتي كيفاش كانت صاحبتي كاتقوليا لدابا عمرني.ماشفت وجهك مضلم بحال هكاك اما هو كان شويا وغادي يسكت ليه القلب كان هابت ليه الضغط ولله العظيم هو كايهدر وانا كانقول دابا يموت ليا هنا.
مانكدبش.عليكم انا كنبغييييه وكانحماق عليه وحتا هو كايموت عليا
من مورا داكشي بقينا مع بعضياتنا وقلب ليا على خدمة وديما كايجري معايا و كايجي ليا ف 07 ديال صباح اديني لقرايتي. انا عارفة طولت عليكم المهم دابا قررنا تاني باش ارجع عند بابا وهاد المرة غادي ندافع عليه واخا ماما عارفة هادشي كامل ولكن كاتقوليا دبريييي لراسك تحملي مسؤوليتك. كانتمنا تكونو فهمتو القصة دياليي مع العلم ان مراتو ا بناتو ماساكنينش فالمدينة فاش غادي نسكن انا كاينا هنا غير بنتو الكبيرة كاتقرا هنايا عندهم الدار ساكنا فيها وهو كل سيمانة كايجي حيت عندو الخدمة هنا وتما.دابا انا كانقول يمكن نقدر نواجه الواليد ديالي حيت خدامة وكنحس براسي مستقلة وقادرة نهدر على راسي. عافاكوم عاونووونيييي
0 التعليق فى الصفحه
